Publikuar më: 28/04/2022

SHPALLJE KËRKESE PËR SHPRONËSIM DHE/ OSE PËR SHKËMBIMIN E PRONËS, PËR INTERES PUBLIK

Agjencia Shtetërore për Shpronësimin shpall kërkesën  për shpronësim dhe /ose për shkëmbimin e pronës , për interes publik, që preken nga projekti “Ndërtimi i godinës së Kopshtit publik Vorë”, Bashkia Vorë.

Njësia zbatuese për këtë projekt është Bashkia Vorë.

Me anë të këtij publikimi, kërkojmë të vëmë në dijeni personat e prekur nga ky shpronësim dhe/ ose për shkëmbim, për interes publik, për pasuritë e paluajtshme, pronë private, të cilat do të kompensohen sipas vlerësimit paraprak të llogaritur si:

1. Për pasuritë e llojit “truall” është bërë bazuar në Vendimin nr. 89, datë 03.02.2016 të Këshillit të Ministrave “Për miratimin e hartës së vlerës së tokës në Republikën e Shqipërisë”;
2. Për pasuritë e llojit “apartament” dhe “ndërtesë” me funksion banimi,është bërë sipas VKM 138, datë 23.03.2000, “Për kriteret teknike të vlerësimit dhe të përllogaritjes së masës së shpërblimit të pasurive që shpronësohen, të pasurive që zhvlerësohen dhe të të drejtave të personave të tretë, për interes publik”, i ndryshuar, bazuar në çmimet mesatare të Entit Kombëtar të Banesave, për miratimin e kostos mesatare të ndërtimit, për vitin 2016;

Personat që preken nga ky projekt të cilët kanë emrin në tabelën e publikuar dhe personat të cilët preken por nuk figurojnë në këto lista, jo më vonë se 15 (pesëmbëdhjetë) ditë nga publikimi në Fletoren Zyrtare dhe në portalin unik qeveritar për rindërtimin, kanë të drejtë të paraqesin pretendimet e tyre, të shoqëruara me dokumentet përkatëse pranë Bashkisë Vorë, si dhe në Agjencinë Shtetërore për Shpronësimin, duke u shprehur nëse pranojnë kalimin vullnetar të pronësisë me kushtet e ofruara.

Kërkesa për shpronësim dhe /ose  shkëmbimin e pronës , për interes publik, në funksion të procesit të rindërtimit, është me vlerë totale paraprake të kompensimit nga shpronësimi në shumën 1 425 312 (një milionë e katërqind e njëzetë e pesë mijë e treqind e dymbëdhjetë) lekë.

                                                                                          DREJTOR I PËRGJITHSHËM

                                                                                      KRYETAR

                                                                           I KOMISIONIT TË POSAÇËM

                                                                            TË SHPRONËSIMIT DHE/ OSE SHKËMBIMIT

                                                               Erlis Hereni