Publikuar më: 27/06/2022

KËRKESË Nr. 482/4, datë 3.6.2022 PËR SHPRONËSIM PUBLIK

Agjencia Shtetërore për Shpronësimin shpall kërkesën “Për shpronësimin për interes publik të pronarëve të pasurive, pronë private, që preken nga ndërtimi i segmentit rrugor ‘Rishikimi i projektit për segmentin rrugor të vazhdimit të Unazës së Madhe të Tiranës nga sheshi ‘Shqiponja’ –Bulevardi i Ri’ dhe ‘Rikualifikimi i Unazës Lindore për lotet 4, 5, 6’” (faza 2), me vlerë totale paraprake të shpronësimit prej 131,674,123.70 (njëqind e tridhjetë e një milionë e gjashtëqind e shtatëdhjetë e katër mijë e njëqind e njëzetë e tre pikë shtatëdhjetë) lekësh.

Subjekti kërkues i këtij projekti është Autoriteti Rrugor Shqiptar.

Me anë të këtij publikimi kërkojmë të vëmë në dijeni personat e prekur nga ky shpronësim për interes publik për pasuritë e paluajtshme, pronë private, të cilat do të kompensohet sipas vlerësimit paraprak të llogaritur:

– Për pasuritë e llojit “arë” dhe “truall” është bërë bazuar në vendimin nr. 89, datë 3.2.2016, të Këshillit të Ministrave, “Për miratimin e hartës së vlerës së tokës në Republikën e Shqipërisë”;

– Vlerësimi i pasurisë “ndërtesë social-ekonomike” është bërë me situacion punimesh, referuar çmimeve të zërave të punimeve të miratuara me udhëzimin e Këshillit të Ministrave nr. 3, datë 28.12.2016, “Për miratimin e kostos mesatare të ndërtimit të banesave nga Enti Kombëtar i Banesave, për vitin 2016”;

– Vlerësimi i pasurisë “ndërtesë banimi” është bazuar në VKM-në nr. 138, datë 23.8.2000, “Për kriteret teknike të vlerësimit dhe të përllogaritjes së masës së shpërblimit të pasurive, pronë private, që shpronësohen, të pasurive që zhvlerësohen dhe të të drejtave të personave të tretë, për interes publik”, të ndryshuar, referuar shkresës nr. 1901/1 prot., datë 10.3.2022, të ASHK Tirana Rurale 1, ku për zonën kadastrale nr. 3976 dhe nr. 8170, çmimi mesatar i shitblerjeve rezulton 61,167 lekë/m².

Personat që preken nga ky projekt të cilët kanë emrin në tabelën e publikuar dhe personat të cilët preken por nuk figurojnë në këto lista, jo më vonë se 15 (pesëmbëdhjetë) ditë nga publikimi në Fletoren Zyrtare, kanë të drejtë të paraqesin pretendimet e tyre, të shoqëruara me dokumentacionin përkatës, si edhe të shprehen nëse janë dakord me të dhënat e publikuara, për përfundimin e procedurave të shpronësimit, pranë Autoritetit Rrugor Shqiptar, si dhe në Agjencinë Shtetërore për Shpronësimin.

Vlera totale paraprake e shpronësimit është 131,674,123.70 (njëqind e tridhjetë e një milionë e gjashtëqind e shtatëdhjetë e katër mijë e njëqind e njëzetë e tre pikë shtatëdhjetë) lekë.

DREJTOR I PËRGJITHSHËM

KRYETAR I KOMISIONIT TË POSAÇËM TË SHPRONËSIMEVE

Erlis Hereni

:

Pranoi:

Miratoi:

LISTA PARAPRAKE EMËRORE E PRONARËVE PASURITË, PRONË PRIVATE, TË TË CILËVE PREKEN NGA NDËRTIMI I SEGMENTIT RRUGOR “STUDIM-PROJEKTIM, RISHIKIM I PROJEKTIT PËR SEGMENTIN RRUGOR TË VAZHDIMIT TË UNAZËS SË MADHE TIRANË NGA SHESHI ‘SHQIPONJA’–BULEVARDI I RI” DHE “STUDIM-PROJEKTIM, RIKUALIFIKIM I UNAZËS LINDORE PËR LOTET 4, 5, 6” (SHTESA)